لندن:(نیوزڈیسک) وزیراعلیٰ پنجاب مریم نواز لندن پہنچنے کے بعد ایوان فیلڈ ہاؤس میں قیام پذیر ہیں۔

مریم نواز نے صبح فیملی کے ہمراہ پارک لین پر واک کی اور بعد ازاں بچوں کے ساتھ مقامی ریسٹورنٹ میں ناشتہ کیا، اس موقع پر سینئر صوبائی وزیر مریم اورنگزیب بھی اُن کے ہمراہ تھیں۔

دوسری جانب مریم نواز آج ایون فیلڈ ہاؤس سے برازیل کے لیے روانہ ہو گئیں، وہ برازیل میں کوپ 30 کانفرنس میں شرکت کریں گی۔

خیال رہے کوپ 30 میں مریم نواز کے ہمراہ مریم اورنگزیب بھی اُن کے ہمراہ ہیں، کانفرنس کے بعد وہ لندن واپس آئیں گی اور یہاں مختصر قیام کے بعد پاکستان روانہ ہوں گی۔