نیویارک میں نیلام ہونے والے ایک منفرد ٹوائلٹ کی قیمت نے سب کو حیران کن حد تک چکرا دیا ہے۔ یہ ٹوائلٹ، جو 18 قیراط سونے سے تیار کیا گیا تھا، ایک کروڑ 20 لاکھ ڈالر میں نیلام ہو گیا۔
اگر آپ ابھی تک یہ سوچ رہے ہیں کہ سونے سے تیار یہ ٹوائلٹ صرف کسی میوزیم کی نمائش کے لیے بنایا گیا ہے، تو ہم آپ کی حیرانی کو دور کر دیتے ہیں۔ یہ ٹوائلٹ صرف نمائش کے لیے نہیں بلکہ استعمال کے لیے بنایا گیا تھا۔ اس ٹوائلٹ کا نام “امریکا” رکھا گیا ہے، اور اس کا وزن تقریباً 101 کلوگرام (223 پونڈ) ہے۔
یہ 18 قیراط سونا استعمال کر کے تیار کیا گیا کموڈ اطالوی فنکار ماریزیو کیٹیلان کی تخلیق ہے۔ 2016 میں، اس کا پہلا ورژن نیو یارک کے مشہور گگن ہائیم میوزیم کے عوامی باتھروم میں نصب کیا گیا تھا۔ لیکن تین سال بعد ایک حیران کن واقعہ پیش آیا، جب چوروں کے ایک گروہ نے اسے آکسفورڈ شائر محل سے چوری کر لیا۔
تاہم، اب اس قیمتی کموڈ کو امریکی برانڈ Ripley’s Believe It or Not نے خرید لیا ہے، اور اس کی نیلامی ایک شاندار قیمت پر ہوئی ہے۔