بھارتی میڈیا رپورٹس کے مطابق بالی وڈ کی سینئر اداکارہ ہیما مالنی نے اپنے بیٹے ابھیشیک بچن کو داماد کے طور پر دیکھنے کی خواہش ظاہر کی تھی۔
چند ماہ قبل ہدایتکار کرن جوہر نے اداکارہ ایشا دیول سے ایک انٹرویو میں پوچھا کہ کیا ان کی والدہ نے واقعی ابھیشیک بچن کا نام ان کے لیے تجویز کیا تھا اور آپ نے کیا جواب دیا؟
ایشا دیول نے بتایا کہ ان کی والدہ بہت پیار کرنے والی ہیں اور اس وقت سب سے اہل بیچلر کے طور پر ابھیشیک بچن کا نام سامنے آیا۔ والدہ چاہتی تھیں کہ وہ کسی اچھے انسان سے شادی کریں اور انہیں ابھیشیک بہترین لگے، لیکن میں نے انہیں بتایا کہ میں ابھیشیک سے شادی نہیں کرنا چاہتی کیونکہ میرے لیے وہ بڑے بھائی کی طرح ہیں۔
کرن جوہر نے یہ بھی پوچھا کہ کیا والدہ نے شادی کے لیے وویک اوبرائے کا نام بھی تجویز کیا تھا؟ اس پر ایشا نے صاف انکار کیا اور کہا کہ ماں بہت سوچ سکتی ہیں، لیکن وویک میری پسند کے مطابق نہیں تھے۔
واضح رہے کہ ایشا دیول نے 2012 میں بھرت تختانی سے شادی کی، اور جوڑے کے ہاں 2017 اور 2019 میں بیٹیوں کی پیدائش ہوئی۔ بعد ازاں 2024 میں شادی کے 12 سال بعد یہ جوڑا علیحدہ ہو گیا۔