آسٹریلیا نے ایشیز سیریز کے دوسرے ٹیسٹ کے لیے اپنا اسکواڈ فائنل کر دیا ہے۔ گابا میں ڈے نائٹ میچ کے لیے آسٹریلوی سلیکٹرز نے پرتھ ٹیسٹ میں فتح حاصل کرنے والی ٹیم میں کوئی تبدیلی نہیں کی۔
کپتان پیٹ کمنز مکمل فٹ نہ ہونے کی وجہ سے اسکواڈ میں شامل نہیں، جبکہ جوش ہیزل ووڈ بھی انجری کی وجہ سے دستیاب نہیں ہیں۔ تاہم تجربہ کار اوپنر عثمان خواجہ اسکواڈ کا حصہ ہیں، جو سیریز کے پہلے میچ کی دوسری اننگز میں کمر کی تکلیف کے باعث بیٹنگ نہیں کر سکے تھے۔
پیٹ کمنز کو اپنی فٹنس مکمل کرنے کے لیے دو ہفتے کا اضافی وقت دیا گیا ہے، اور وہ ایڈیلیڈ میں 17 دسمبر سے شروع ہونے والے تیسرے ٹیسٹ میں ٹیم میں واپسی کے لیے تیار ہو سکتے ہیں۔
آسٹریلوی اسکواڈ (14 رکنی):
اسٹیو اسمتھ (کپتان)، اسکاٹ بولینڈ، ایلیکس کیری، برینڈن ڈوگیٹ، کیمرون گرین، ٹریوس ہیڈ، جوش انگلیس، عثمان خواجہ، مارنس لبوشین، نیتھن لائن، مائیکل نیسر، مچل اسٹارک، جیک ویدرالڈ، بیو ویبسٹر
دوسرا ایشیز ڈے نائٹ ٹیسٹ 4 دسمبر سے شروع ہوگا، جبکہ پرتھ ٹیسٹ میں آسٹریلیا نے انگلینڈ کو 8 وکٹ سے شکست دی تھی۔