اسلام آباد(مانیٹرنگ ڈیسک) وزیر اعظم عمران خان نے وزیراعلیٰ پنجاب عثمان بزدار کو ہٹانے کا فیصلہ کیا ہے۔وزیر اعظم عمران خان ایک روزہ دورے پر لاہور میں موجود ہیں اور انہوں نے وزیر اعلیٰ و گورنر پنجاب سے ملاقاتیں کی ہیں۔ اس کے علاوہ وزیر اعظم پی ٹی آئی پنجاب کی پارلیمانی پارٹی سے بھی ملاقات کریں گے۔ جہانگیر ترین اور علیم خان گروپ عثمان بزدار کو ہٹانےکا مطالبہ کرتے رہے ہیں تاہم اب تحریک انصاف کے خلاف قومی اسمبلی میں جمع کرائی گئی تحریک عدم اعتماد کو ناکام کرنے کے لیے وزیر اعظم عمران خان نے بھی عثمان بزدار کو ہٹانے کا فیصلہ کرلیا ہے۔ عثمان بزدار کی جگہ پنجاب کا وزیر اعلیٰ کسے بنایا جائے گا اس کا فیصلہ نہیں ہوسکاتاہم سپیکر پنجاب اسمبلی چوہدری پرویز الٰہی ٰ کو وزارت اعلیٰ سونپے جانے کا امکان ہے۔