خضدار (نیوز ڈیسک) کئی علاقوں میں زلزلے کے شدید جھٹکے، بلوچستان کے مختلف علاقوں میں بدھ کی شب کو آنے والے زلزلے نے خوف و ہراس پھیلا دیا۔ تفصیلات کے مطابق بدھ کی شب کو بلوچستان کے ضلع خضدار اور دیگر علاقوں میں زلزلے کے جھٹکے محسوس کیے گئے۔
زلزلے کے بعد لوگوں میں خوف وہراس پھیل گیا،عوام کلمہ طیبہ کا ورد کرتے گھروں سے باہر نکل آئے ۔زلزلہ پیما مرکز کے مطابق زلزلے کی گہرائی 15 کلو میٹر ریکارڈ کی گئی جبکہ مرکز خضدار سے 80کلومیٹر دور شمال مغرب میں تھا۔ زلزلے میں کسی جانی و مالی نقصان کی اطلاع موصول نہیں ہوئی۔
