اسلام آباد:(نیوزڈیسک)اقوام عالم اس بات کی شاہد ہیں کہ بھارت کس طرح منظم انداز میں بین الاقوامی سطح پر دہشتگردی کو فروغ دے رہا ہے، جو پاکستان کے موقف کی تائید ہے۔ پاکستان کا واضح موقف رہا ہے کہ بھارت ریاستی سطح پر نہ صرف مقبوضہ جموں و کشمیر اور پاکستان بلکہ کینیڈا، امریکہ اور دیگر یورپی ممالک میں بھی دہشتگردی پھیلا رہا ہے۔
سڈنی میں سفاکانہ حملہ بھارت کی عالمی سطح پر اسپانسرڈ دہشتگردی کا واضح ثبوت ہے۔ ریاستی سرپرستی میں بھارتی دہشتگردی کے حوالے سے عالمی جریدوں نے ہوشربا انکشافات میں مودی حکومت کی قلعی کھول دی۔ آسٹریلیا کے سکیورٹی حکام اور ایجنسیز کا بھارتی بدنامِ زمانہ ایجنسی “را” سے رابطہ اس بات کو واضح کرتا ہے کہ “را” ایک منظم انداز سے اس حملے میں ملوث رہی ہے۔
عالمی جریدوں کے مطابق سڈنی کے حملہ آور ساجد اکرم نے بھارتی پاسپورٹ پر سفر کیا۔ فلپائن امیگریشن حکام کے مطابق، سڈنی فائرنگ کے واقعہ میں ملوث بھارتی شہریت کے حامل دہشتگرد باپ اور بیٹے نے حملہ سے کچھ عرصہ قبل فلپائن کا سفر کیا۔ بھارتی نژاد 50 سالہ ساجد اکرم اور اس کا 24 سالہ بیٹا نوید اکرم دونوں آسٹریلوی شہریت کے بھی حامل ہیں۔
بی بی سی کے مطابق فلپائن امیگریشن نے تصدیق کی ہے کہ سڈنی حملہ میں ملوث ساجد اکرم نے بھارتی پاسپورٹ پر فلپائن کا سفر کیا۔ بھارتی دہشتگرد یکم نومبر کو سڈنی سے فلپائن پہنچے جہاں ان کی آخری منزل جنوبی صوبہ ڈاواؤ درج تھی۔ ساجد اکرم اور نوید اکرم یکم نومبر کو سڈنی سے فلپائن پہنچے اور 28 نومبر کو واپس روانہ ہوئے۔
پاکستان نے سڈنی میں پیش آنے والے دہشتگردانہ حملے کو بھارت کی عالمی سطح پر اسپانسرڈ دہشتگردی کا واضح ثبوت قرار دیا ہے۔ پاکستان کا موقف ہے کہ بھارت ریاستی سطح پر نہ صرف مقبوضہ جموں و کشمیر اور پاکستان بلکہ کینیڈا، امریکہ اور دیگر یورپی ممالک میں بھی دہشتگردی کو فروغ دے رہا ہے۔
عالمی جریدوں اور سیکیورٹی ذرائع کے مطابق سڈنی حملہ آور ساجد اکرم اور اس کا بیٹا نوید اکرم بھارتی نژاد ہیں، جنہوں نے بھارتی پاسپورٹ کے ذریعے فلپائن کا سفر کیا۔ فلپائن امیگریشن حکام کے مطابق دونوں دہشتگرد یکم نومبر کو سڈنی سے فلپائن پہنچے اور 28 نومبر کو واپس روانہ ہوئے۔ آسٹریلوی سیکیورٹی ذرائع کے مطابق ساجد اور نوید نے گزشتہ ماہ جنوبی فلپائن میں عسکری تربیت حاصل کی۔
سیکیورٹی تجزیہ کاروں اور بین الاقوامی میڈیا کے مطابق سڈنی حملے میں بھارتی خفیہ ایجنسی ’را‘ کے روابط سامنے آئے ہیں، جس سے بھارت کی عالمی سطح پر دہشتگردی میں ملوث ہونے کی نشاندہی ہوتی ہے۔ بلومبرگ کے مطابق بھارتی وزارتِ خارجہ نے سڈنی دہشتگرد حملے پر تاحال کوئی ردعمل نہیں دیا۔ بھارتی وزارت خارجہ کی خاموشی اس بات کی غماز ہے کہ سڈنی حملہ میں بھارتی نژاد دہشتگرد براہ راست ملوث ہیں۔
یاد رہے کہ سڈنی میں پیش آنے والے اس حملے میں متعدد افراد ہلاک ہوئے۔ پاکستان کے مطابق یہ واقعہ بھارت کی منظم اور ریاستی سرپرستی میں دہشتگردانہ کارروائیوں کی بین الاقوامی سطح پر واضح مثال ہے۔
