اسلام آباد:صدرِ مملکت آصف علی زرداری نے وزیراعظم کے مشورے پر اہم قانون سازی کی منظوری دے دی۔
صدرِ مملکت نے قانونِ شہادت (ترمیمی) بل، 2025 کی منظوری دے دی۔ انہوں نے کنگ حمد یونیورسٹی آف نرسنگ اینڈ ایسوسی ایٹڈ میڈیکل سائنسز بل، 2025 کی بھی توثیق کر دی جبکہ نیشنل کمیشن فار مائنورٹیز رائٹس بل، 2025 کی بھی منظوری دے دی۔
صدر آصف علی زرداری نے دانش سکولز اتھارٹی بل، 2025 کو صوبائی مشاورت کی ضرورت کے پیشِ نظر نظرِ ثانی کے لیے وزیراعظم کو واپس بھجوا دیا۔ صدرِ مملکت کا کہنا ہے کہ صوبوں میں دانش سکولز کے قیام کی صورت میں متعلقہ صوبائی حکومتوں سے پیشگی مشاورت ناگزیر ہے۔
