نیوزڈیسک(نیوزڈیسک)چیف آف ڈیفنس فورسز فیلڈ مارشل عاصم منیر کا کہنا ہے کہ ریاست کے علاوہ کوئی بھی جہاد کا حکم یا فتویٰ نہیں دے سکتا۔
فیلڈمارشل چیف آف ڈیفنس فورسزسیدعاصم منیر نے قومی علماء مشائخ کانفرنس سےخطاب میں کہا آپریشن بنیان مرصوص میں اللّٰہ کی مدد آتے ہوئےدیکھی،کسی بھی اسلامی ریاست میں ریاست کے علاوہ کوئی جہادکاحکم اور فتویٰ نہیں دے سکتا،جن قوموں نےاپنے اسلاف کی علمی و فکری میراث اور قلم کی طاقت کو چھوڑ دیا وہ زبوں حالی کا شکار ہو گئیں۔
فیلڈ مارشل چیف عاصم منیر کا کہنا تھا کہ اللہ تعالی نے اسلامی ممالک میں سےمحافظین حرمین کا شرف پاکستان کو عطا کیا،ریاست طیبہ اور ریاست پاکستان کا آپس میں ایک گہرا تعلق اورمماثلت ہے، ریاست طیبہ اورریاست پاکستان کا قیام کلمہ طیبہ کی بنیاد پر رمضان کے بابرکت مہینےمیں ہوا،دونوں ریاستوں میں مماثلت کی وجہ یہ ہے کہ رب کائنات نےانہیں خادم الحرمین بنانا تھا اور ہمیں محافظ الحرمین بنانا تھا۔
فیلڈمارشل نےکہا فتنہ الخوارج کی جو تشکیلیں افغانستان سے آتی ہیں ان میں 70 فیصد افغانی شامل ہیں، افغانستان کو فتنہ الخوارج اور پاکستان میں سے کسی ایک کا انتخاب کرنا ہوگا،افغان طالبان کی پشت پناہی سے دہشتگردی کےذریعے ہمارے معصوم شہریوں اور بچوں کو نشانہ بنایا جارہا ہے۔
خیال رہےکہ یہ کانفرنس 10 دسمبر کو اسلام آباد میںہوئی تھی،جس میں ملک بھرسےتمام مکاتب فکر کے علماء اور مشائخ نے شرکت کی تھی۔
