کراچی میں بچوں میں پیٹ کے کیڑوں کے خاتمے کے لیے 5 جنوری سے 6 روزہ مہم کا آغاز کیا جائے گا۔ اس مہم کے دوران 60 لاکھ بچوں کو پیٹ کے کیڑوں سے بچاؤ کی خوراک دی جائے گی۔
یہ خوراک 5 سے 14 سال کی عمر کے بچوں اور بچیوں کو دی جائے گی، جبکہ 15 سے 18 سال تک کی عمر کی لڑکیوں کو بھی شامل کیا جائے گا۔ مہم میں تعلیم کے سرکاری اور نجی اسکولوں کے علاوہ گھروں میں بھی یہ خوراک فراہم کی جائے گی۔
مہم میں 10 ہزار سے زائد ہیلتھ ورکرز حصہ لیں گے۔ پاکستان ڈی وارمنگ انیشیٹیو کے سینئر پروگرام منیجر قدیر بیگ کا کہنا تھا کہ یہ کراچی کی دوسری لائنچنگ ہے اور مہم اگلے ہفتے شروع ہو رہی ہے۔ انہوں نے مزید کہا کہ یہ کوئی معمولی پروگرام نہیں ہے، بلکہ اب تک پچاس ملین بچوں کو اس مہم کے تحت کور کیا جا چکا ہے، جس میں ڈھائی لاکھ سے زائد اساتذہ اور ہیلتھ ورکرز شامل ہیں، اور دو لاکھ بیس ہزار سے زیادہ اسکولز اس مہم کا حصہ ہیں۔