اسلام آباد(نیوزڈیسک)پاکستان تحریک انصاف کے بانی راہنما اکبر ایس بابر کا قومی مصالحتی کمیٹی کے اعلامیہ پر ردعمل

قومی مصالحتی کمیٹی کانفرنس کا اعلامیہ پاکستان کی مفاد پرست سیاست کی حقیقی ترجمانی کرتا ہے۔

اعلامیہ اس بات کا ثبوت ہے کہ سیاست دان قانون کی نظر میں مجرم ہی کیوں نہ ہوں وہ اپنے آپ کو قانون سے بالاتر سمجھتے ہیں۔

اعلامیہ سے ظاہر ہے کہ قانون اور جیل صرف عام شہریوں کے لئے ہے۔

بااثر سیاست دان چاہے ملک دشمن سیاست کریں، ملک کو بدنام کریں، ملکی وسائل لوٹیں، معاشرے میں انتشار پیدا کریں، اداروں پر حملے کریں، دہشت گردوں کی سہولت کاری کریں اور ملک کی معیشت کو تباہ کریں، وہ احتساب سے بالاتر ہیں۔

ایسی ہی سیاست کو ہمیشہ کے لئے دفن کرنے کا وقت ہے نہ کہ دوبارہ مسلط کرنے کا۔