وزیراعلیٰ پنجاب کا راولپنڈی میں سگ گزیدگی کے واقعات کا نوٹس
لاہور:(نیوزڈیسک) وزیراعلیٰ پنجاب مریم نواز شریف نے راولپنڈی میں بڑھتے ہوئے کتوں کے کاٹنے کے واقعات کی خبروں کا نوٹس لے لیا۔ وزیراعلیٰ نے ڈپٹی کمشنر راولپنڈی سے تفصیلی رپورٹ طلب کر لی ہے اور غفلت برتنے والوں کے خلاف فوری کارروائی کا حکم دیا ہے۔
مریم نواز شریف نے ہدایت کی ہے کہ راولپنڈی کے تمام سرکاری ہسپتالوں میں کتے کے کاٹنے والی ویکسین کی فراہمی یقینی بنائی جائے۔ انہوں نے شہریوں کی حفاظت کو سب سے مقدم اور حکومت کی ذمہ داری قرار دیا۔
