وزیراعلیٰ خیبر پختونخوا سہیل آفریدی نے کہا ہے کہ حکومت قانون کی بالادستی کو یقینی بنانے کے لیے پختہ موقف رکھتی ہے۔ ہری پور کے صدیق اکبر چوک پر اپنے خطاب میں انہوں نے ویمن اینڈ چلڈرن اسپتال کے لیے فنڈز جاری ہونے کی خوشخبری بھی دی اور یقین دلایا کہ ترقی کا عمل جاری رہے گا۔
بعد ازاں، وزیراعلیٰ سہیل آفریدی اور پی ٹی آئی کے چیئرمین بیرسٹر گوہر کی قیادت میں ریلی ہری پور کے مختلف مقامات سے گزر کر ضلع ایبٹ آباد پہنچی۔ ایبٹ آباد پہنچنے پر کارکنوں کی بڑی تعداد نے سہیل آفریدی اور بیرسٹر گوہر کا پرجوش استقبال کیا۔