چیئرمین پاکستان تحریک انصاف (پی ٹی آئی) بیرسٹر گوہر نے ہری پور میں ریلی سے خطاب کرتے ہوئے کہا کہ پارٹی کا مینڈیٹ ایک نہیں بلکہ دو بار چوری کیا گیا۔
انہوں نے کہا کہ ہم اپنا مینڈیٹ دوبارہ نہیں جانے دیں گے اور گزشتہ تین سال سے ہر جگہ تحریک جاری رکھے ہوئے ہیں۔ بیرسٹر گوہر نے اعلان کیا کہ ہری پور سے مانسہرہ تک اسٹریٹ موومنٹ جاری رہے گی۔
چیئرمین پی ٹی آئی نے عوام پر زور دیا کہ وہ اپنے ووٹ پر ڈاکہ ڈالنے نہ دیں اور ساتھ ہی کہا کہ خیبر پختونخوا میں پارٹی گڈ گورننس، امن و امان اور عوامی فلاح کے لیے کام کرے گی۔