ایم جناح روڈ پر واقع گل پلازہ میں آتشزدگی کے چھٹے روز بھی ریسکیو اور سرچ آپریشن جاری ہے۔ اس دوران ملبے سے مزید دو افراد کی باقیات برآمد ہو گئی ہیں۔
ریسکیو حکام کے مطابق تلاش کا عمل ایسوسی ایشن کی مدد سے کیا جا رہا ہے اور توقع ہے کہ جلد مکمل کر لیا جائے گا۔ مزید دو افراد کی باقیات کے ملنے کے بعد جاں بحق ہونے والوں کی مجموعی تعداد 62 ہو گئی ہے، تاہم ریسکیو ٹیمیں اب بھی ملبہ کھنگال رہی ہیں۔
حکام نے بتایا کہ پلازہ کی چھت سے 61 میں سے 16 موٹرسائیکلیں نکالی جا چکی ہیں اور ملبہ ہٹانے کا کام جاری ہے، جس کے دوران باقیات برآمد ہوئیں۔ ملنے والی باقیات کو قانونی کارروائی کے لیے سول اسپتال منتقل کیا جا رہا ہے۔
یہ آپریشن حساس اور نازک نوعیت کا ہے، اور ریسکیو ٹیمیں انتہائی احتیاط کے ساتھ کام کر رہی ہیں تاکہ مزید جانی نقصان سے بچا جا سکے۔