وزیر اعلیٰ پنجاب مریم نواز نے گھروں کی توسیع کے لیے بلاسود قرضوں کے اجراء کی منظوری دے دی۔

مریم نواز کی زیر صدارت اپنی چھت اپنا گھر پروجیکٹ سے متعلق اجلاس ہوا۔

اجلاس میں گھروں کی توسیع کے لیے قرضوں کے اجراء کی منظوری کے بعد اب جوائنٹ فیملی میں رہنے والے اپنے گھروں کی توسیع کے لیے اپنی چھت اپنا گھر کے تحت بلا سود قرض لے سکیں گے۔

اجلاس میں جون 2026ء تک1 لاکھ 60 ہزار گھر بنا نے کا ہدف مقرر کیا گیا ہے۔

اجلاس میں اپنی زمین اپنا گھر کے1 ہزار 531 پلاٹوں کی الاٹمنٹ کی بھی منظوری دی گئی۔

واضح رہے کہ پنجاب بھر میں اپنی چھت اپنا گھر پروجیکٹ کے تحت 53 ہزار 843 مکان زیر تعمیر ہیں۔

اس کے علاوہ، پنجاب میں اپنی چھت اپنا گھر پروجیکٹ کے تحت 164 ارب 66 کروڑ روپے کے ریکارڈ قرضے دیے گئے۔