کراچی میں ٹریفک انتظامات سے متعلق اہم انتظامی تبدیلی کرتے ہوئے ڈی آئی جی ٹریفک پیر محمد شاہ کو ان کے عہدے سے ہٹا دیا گیا ہے۔
سندھ پولیس کی جانب سے جاری نوٹیفکیشن کے مطابق مظہر نواز شیخ کو نیا ڈی آئی جی ٹریفک کراچی تعینات کر دیا گیا ہے۔
ذرائع کا کہنا ہے کہ یہ فیصلہ گل پلازہ سانحے کے بعد سامنے آنے والی ٹریفک بدانتظامی کے تناظر میں کیا گیا۔ آتشزدگی کے بعد گل پلازہ اور اطراف کے علاقوں میں شدید ٹریفک جام رہا، جس کے باعث فائر بریگیڈ اور ریسکیو ٹیموں کو جائے وقوعہ تک پہنچنے میں مشکلات کا سامنا کرنا پڑا۔
یاد رہے کہ چند روز قبل گل پلازہ میں ہونے والے ہولناک آتشزدگی کے واقعے میں 79 قیمتی جانیں ضائع ہوئیں، جس کے بعد مختلف محکموں کی کارکردگی پر سوالات اٹھائے جا رہے ہیں۔