بنوں کے علاقے بسیہ خیل میں نامعلوم افراد کی فائرنگ کے نتیجے میں یو سی چیئرمین عامر درانی سمیت تین افراد جاں بحق ہو گئے۔
پولیس کے مطابق، چیئرمین اور ان کے دوست حجرے میں موجود تھے کہ اچانک نامعلوم حملہ آوروں نے فائرنگ شروع کر دی۔ واقعے میں جاں بحق ہونے والوں کی لاشیں اسپتال منتقل کر دی گئی ہیں تاکہ پوسٹ مارٹم کیا جا سکے۔
علاقائی پولیس نے بتایا کہ ملزمان کی گرفتاری کے لیے سرچ آپریشن شروع کر دیا گیا ہے اور واقعے کی تحقیقات جاری ہیں۔