ڈی جی آئی ایس پی آر نے یونیورسٹی آف گوادر کا دورہ کیا، جہاں اساتذہ اور طلباء کے ساتھ ایک خصوصی نشست کا انعقاد کیا گیا۔
ان کی آمد پر یونیورسٹی کے اساتذہ، فیکلٹی ممبران اور طلباء نے شاندار استقبال کیا۔ اس موقع پر ڈی جی آئی ایس پی آر نے قومی اور علاقائی صورتحال پر تفصیلی گفتگو کی اور سوشل میڈیا پر پھیلنے والے ریاست مخالف پروپیگنڈے کے حوالے سے طلباء کو مکمل آگاہی فراہم کی۔
طلباء نے اس موقع پر کہا کہ پاک فوج ہمیشہ ریاست، آئین اور قومی وقار کے تحفظ کے لیے سرگرم رہی ہے اور ڈی جی آئی ایس پی آر نے ہمارے ذہنوں میں موجود شبہات کو دور کر دیا۔
طلباء نے مزید کہا کہ ڈی جی آئی ایس پی آر نے شواہد کے ساتھ غلط معلومات (مس انفارمیشن) کے اثرات کم کرنے میں مدد فراہم کی اور یہ ملاقات نہایت معلوماتی ثابت ہوئی۔ طلباء نے ہر مشکل گھڑی میں قوم کے ساتھ کھڑے رہنے پر پاک فوج کے غیر متزلزل عزم کو خراج تحسین پیش کیا۔