واشنگٹن:(ویب ڈیسک) امریکی صدر ڈونلڈ ٹرمپ نے کہا ہے کہ ایران کیساتھ آئندہ مہینے تک جوہری معاہدہ طے پانے کے حوالے سے پُر امید ہیں۔

وائٹ ہاؤس میں میڈیا سے گفتگو کرتے ہوئے صدر ڈونلڈ ٹرمپ نے کہا کہ ایران کے ساتھ معاہدہ کرنے کی کوشش کر رہے ہیں۔ امید ہے جلدڈیل طے پا جائیگی ۔انہوں نے کہا کہ ایران کو پہلے ہی معاہدہ کر لینا چاہیے تھا۔ اس مرتبہ ایران نہ مانا تو اس کیلئے حالات مشکل ہو سکتے ہیں۔

صدرٹرمپ نے مزید کہا کہ ہمارے اس وقت چین کے ساتھ بہت اچھے تعلقات ہیں۔اپریل میں چینی صدر سے ملاقات کیلئے چین جا رہا ہوں۔