آئی سی سی ٹی20 ورلڈ کپ کے گروپ سی کے میچ میں انگلینڈ نے اسکاٹ لینڈ کو 5 وکٹوں سے ہرادیا۔کولکتہ میں کھیلے گئے اس میچ میں اسکاٹ لینڈ نے پہلے بیٹنگ کرتے ہوئے 152 رنز بنائے اور آخری اوور میں تمام کھلاڑی آؤٹ ہو گئے۔ اسکاٹ لینڈ کے رچی برینگٹن نے 49 اور مائیکل جونز نے 33 رنز کی قیمتی اننگز کھیلیں۔ انگلینڈ کی جانب سے عادل راشد نے تین جبکہ جوفرا آرچر اور لیام ڈاؤسن نے دو، دو کھلاڑیوں کو آؤٹ کیا۔انگلینڈ نے 153 رنز کا ہدف 19ویں اوور میں 5 وکٹوں کے نقصان پر حاصل کر لیا۔ ٹام بینٹن نے 63 رنز کی ناقابل شکست اننگز کھیلیں اور جیکب بیتھل نے 32 رنز کا قیمتی اسکور دیا۔اس فتح کے ساتھ انگلینڈ نے گروپ میں واپس دوسری پوزیشن حاصل کر لی ہے، اور اس کامیابی نے ٹیم کے حوصلے مزید بڑھا دیے ہیں۔