بانی چیئرمین پاکستان تحریک انصاف کے ہمشیرہ علیمہ خان نے کہا ہے کہ اپنے بیٹوں کی آواز طویل عرصے بعد سن کر عمران خان انتہائی خوش اور جذباتی دکھائی دیے۔
اپنے بیان میں علیمہ خان نے بتایا کہ چیف جسٹس پاکستان کی ہدایت پر عمران خان کی اپنے بیٹوں سے ٹیلیفون پر بات چیت ممکن ہو سکی۔ ان کے مطابق یہ گفتگو تقریباً بیس منٹ تک جاری رہی۔
انہوں نے کہا کہ عمران خان کے بیٹوں نے بتایا کہ طویل وقفے کے بعد والد کی آواز سن کر وہ خود بھی خوش ہوئے، جبکہ عمران خان بھی اس موقع پر بے حد مسرور تھے۔
علیمہ خان نے مزید کہا کہ اب خاندان کو عمران خان کی نجی اسپتال منتقلی کا انتظار ہے تاکہ ذاتی معالجین کی نگرانی میں ماہر ڈاکٹرز فوری طور پر ان کا معائنہ اور علاج کر سکیں۔
ان کا کہنا تھا کہ بروقت علاج میں تاخیر سے بینائی متاثر ہونے کا خدشہ موجود ہے، اس لیے مستقل نقصان سے بچاؤ کے لیے فوری اسپیشلسٹ کیئر ناگزیر ہے۔