اسلام آباد (اے پی پی ):وفاقی وزیر پارلیمانی امور ڈاکٹر طارق فضل چوہدری پارلیمنٹ میں دھرنا دینے والے اپوزیشن ارکان کی طرف سے کھانا نہ ملنے کی شکایت پر سی سی ٹی وی فوٹیج منظر عام پر لے آئے ۔ جمعرات کو سماجی رابطہ کی ویب سائٹ ایکس پر انہوں نے اپنے مختصر کومنٹس کے ساتھ پارلیمنٹ ہائوس کے اندر دھرنے کے دوران کھانے کی تقسیم کی سی سی ٹی وی فوٹیج پوسٹ کی جس میں دھرنا دینے والے اپوزیشن ارکان میں کھانے کے ڈبے تقسیم کئے جارہے تھے ۔ ڈاکٹر طارق فضل چوہدری کا کہنا تھا کہ پارلیمان میں دھرنا دینے والے کہہ رہے تھے ہمیں کھانا نہیں ملا ، یہ سی سی ٹی وی فوٹیج تو کچھ اور ہی کہانی بیان کر رہی ہے۔