گورنر سندھ کامران ٹیسوری نے کہا ہے کہ سندھ کے عوام اب ان کی بات کو سنجیدگی سے سننے لگے ہیں اور وہ درست راہ پر گامزن ہیں۔
یہ بات انہوں نے گورنر ہاؤس کراچی میں افطار کے موقع پر کہی، جس میں ایم کیو ایم کے رہنما ڈاکٹر فاروق ستار اور ترکیہ کے قونصل جنرل نے بھی شرکت کی۔
تقریب سے خطاب کرتے ہوئے گورنر سندھ نے کہا کہ “کچھ لوگ سیاسی فیکٹریاں چلائے بیٹھے ہیں اور ہر چھوٹی بات کو سیاسی مسئلہ بنا دیتے ہیں، لیکن ہم اپنی راہ پر قائم ہیں اور اسی ٹریک پر آگے بڑھیں گے۔ سندھ کے لوگوں نے ہمیں سنجیدگی سے لینا شروع کر دیا ہے۔”
کامران ٹیسوری نے مزید کہا کہ سندھ کے مستقبل سے متعلق ایک کانفرنس منعقد کی گئی تھی اور انہوں نے واضح کیا کہ کوشش کامیاب ہوتی ہے، لیکن سازش کبھی کامیاب نہیں ہو سکتی۔ انہوں نے کہا، “ابھی تو پارٹی کا آغاز ہوا ہے، ہمیں آگے بڑھنا ہے اور مثبت اقدامات پر توجہ دینی ہے۔”