اسلام آباد (نیوز ڈیسک) اسلام آباد پولیس کا مختلف علاقوں میں جرائم پیشہ عناصر اور غیر قانونی مقیم افراد کے خلاف بڑے پیمانے پر گرینڈ کومنگ سرچ آپریشنز جاری ہیں۔
گزشتہ ایک ہفتے کے دوران 08 سرچ آپریشنز کیے گئے،سرچ آپریشنز میں لیڈیز پولیس نے بھی بھرپور حصہ لیا جبکہ ان سرچ آپریشن کے دوران 1340 افراد اور 604 گھرانوں کو چیک کیا گیا۔

سرچ آپریشنز کے دوران 10 ہوٹلز اور 21دوکانوں کو چیک کیا گیا، 428 موٹر سائیکلوں اور137 گاڑیوں کی جانچ پڑتال بھی کی گئی تاہم 20 افغانیوں سمیت 86 مشکوک افراد کی تصدیق کی گئی، 25 موٹر سائیکلوں کو مزید جانچ پڑتال کے لیے متعلقہ تھانوں میں منتقل کر دیا گیا۔

آئی جی اسلام آباد نے جرائم کی بیخ کنی اور شہریوں کے تحفظ کے لیے ضلع بھر میں گرینڈ سرچ آپریشنز کے احکامات جاری کئے ہیں ۔

شہری چیکنگ کے دوران پولیس سے تعاون کریں اور کسی بھی مشکوک سرگرمی کی فوری اطلاع دیں جبکہ اسلام آباد پولیس شہریوں کے جان و مال کے تحفظ کے لیے ہر ممکن اقدامات یقینی بنا رہی ہے۔