ممبئی (نیوز ڈیسک) بالی ووڈ کے سینئر اداکار Anupam Kher کو اداکار Prabhas کی آنے والی پیریڈ ایکشن فلم Fauzi کی کاسٹ میں شامل کر لیا گیا ہے، جس کی باضابطہ تصدیق فلم کے میکرز نے سوشل میڈیا کے ذریعے کی ہے۔

رپورٹس کے مطابق اس سے قبل خبریں گردش کر رہی تھیں کہ انوپم کھیر اس فلم کا حصہ بن سکتے ہیں، تاہم اب فلم کی ٹیم نے اس کی باقاعدہ تصدیق کرتے ہوئے بتایا کہ تجربہ کار اداکار فلم کی کاسٹ میں شامل ہو چکے ہیں۔

فلم کے میکرز نے اپنے پیغام میں انوپم کھیر کو سالگرہ کی مبارکباد دیتے ہوئے لکھا کہ “انوپم کھیر جی کو سالگرہ مبارک ہو، ہمیں یہ اعزاز حاصل ہے کہ وہ ’فوجی بٹالین‘ کا حصہ بن رہے ہیں۔ ہم ان کے لیے صحت اور کامیابی سے بھرپور سال کی دعا کرتے ہیں۔”

یہ فلم ایک پیریڈ ایکشن ڈرامہ ہے جس میں پربھاس مرکزی کردار ادا کر رہے ہیں۔ کہانی ایک سپاہی کے گرد گھومتی ہے جو Azad Hind Fauj سے تعلق رکھتا ہے اور فلم تاریخی واقعات کو ایک منفرد اور تخیلاتی انداز میں پیش کرے گی۔

فلم میں سوشل میڈیا سے شہرت حاصل کرنے والی اداکارہ Imanvi مرکزی خاتون کردار ادا کریں گی جبکہ معروف اداکار Mithun Chakraborty اور Jaya Prada بھی اہم کرداروں میں نظر آئیں گے۔

میڈیا رپورٹس کے مطابق فلم ’فوجی‘ کو 2026 میں Dussehra کے موقع پر یا نومبر کے آس پاس سینما گھروں میں ریلیز کیے جانے کا امکان ہے۔