پیٹرولیم مصنوعات کی قیمتوں میں اضافہ کے باعث میٹرو بس سروس کے کرایوں میں اضافے کا امکان ہے۔

مہنگا پیٹرول،خزانے پرمیٹرو بس کیلئے دی جانیوالی سبسڈی کا بوجھ بڑھنے لگا،میٹرو بس سروس کے کرایوں میں اضافے کا امکان ہے،لاہورملتان، راولپنڈی میٹروبس سروس کےکرایوں میں دس روپے اضافے کی تجویز پرغور کیا جارہا ہے۔

تجویز خزانے پرمیٹرو بس کیلئے دی جانیوالی سبسڈی کے بڑھتے بوجھ کو کم کرنے کیلئے دی گئی ہے،کرایوں میں اضافےکااطلاق ممکنہ طورپر26 مارچ سےکرنے پر غور کیا جارہا ہے۔

ترجمان میٹروبس کا کہنا ہے کہ میٹروبسوں کےکرایوں میں اضافے کےحوالے سے تاحال کوئی حتمی فیصلہ نہیں ہوا،خیال رہے کہ میٹرو بس کا موجودہ کرایہ 30 روپے ہے۔