لاہور(مانیٹرنگ ڈیسک )وفاقی وزیر خزانہ شوکت ترین نے کہا ہے کہ عالمی منڈی میں تیل کی موجودہ قیمتوں کے مطابق ملک میں اس وقت پیٹرول کی قیمت 240 روپے ہونی چاہیے جبکہ پاکستان میں یٹرول150 روپے لیٹر ہے۔
لاہور میں تقریب سے خطاب میں شوکت ترین نے کہا کہ سپلائی چین کورونا سے ڈسٹرب ہوئی، مشکلات بڑھیں، ہم زراعت کی 5 سے 6 فیصد گروتھ چاہتے ہیں، ہماری ترسیلات زر اورگروتھ سے بہتری آئےگی، حالات ٹھیک رہیں گے۔
وزیرخزانہ نے کہا کہ ہمارے پاس 4 ماہ کے ریزرو ہیں، ہمارامسئلہ صرف مہنگائی ہے، پیٹرول کی قیمتیں کم ہونے سے مسائل حل ہوجائیں گے، اس وقت پیٹرول کی قیمت 240 روپے ہونی چاہیے۔
شوکت ترین نے کہا کہ معیشت اپنے پیروں پر کھڑی ہوگی، ہم نے چین کو زراعت سے متعلق مدد کرنے کا کہا ہے، ہم نے چین سے ٹیکنالوجی کی سرمایہ کاری کیلئے بھی کہا ہے۔انہوں نے کہا کہ لاکھوں لوگوں کا ریکارڈ حاصل کرلیا ہے جو کماتے کیا ہیں اور ٹیکس کتنا دیتے ہیں، اب وہ ٹیکس چوری سے بچ نہیں سکتے۔