لاہور(نیوز ڈیسک ) وزیراعلیٰ پنجاب عثمان بزدار سے اراکین صوبائی اسمبلی نے ملاقات کی جس میں علمدار عباس قریشی، نیاز حسین خان اور عون حمید،اظہر عباس چانڈیا ، اشرف خان رند، منصور احمد بھی موجود تھے۔اس موقع پر اراکین اسمبلی نے وزیراعلیٰ پنجاب عثمان بزدار کی قیادت پرمکمل اعتماد کااظہار کرتے ہوئے کہا کہ عثمان بزدار نے ہمیشہ ہمارے حلقوں کے مسائل ترجیحی بنیادوں پر حل کیے ہیں،اراکین اسمبلی کا کہنا تھا کہ وزیراعلیٰ پنجاب عثمان بزدار کے ساتھ کھڑے ہیں او رکھڑے رہیں گے۔وزیراعلیٰ عثمان بزدار نے کہاکہ وزیراعظم عمران خان عدم اعتماد سے سرخرو ہو کر نکلیں گے،عدم اعتماد کی ناکامی نوشتہ دیوار ہے،وزیراعظم کی قیادت میں متحد ہیں اور ہر ہتھکنڈے کا مقابلہ کریں گے،عثمان بزدار نے کہا کہ اپوزیشن کی سیاست صرف ذاتیات کے گرد گھومتی ہے،افراتفری کی سیاست کرنا قومی مفادات کے منافی ہے،ترقی کا سفر روکنے کیلئے اپوزیشن سیاسی انتشار پیدا کرنے کی کوشش کر رہی ہے،سیاسی عدم استحکام پیدا کرنے کی کوشش کرنے والوں کو قوم معاف نہیں کرے گی۔