۔خیبر پختونخوا کے مختلف اضلاع میں 16 تا 19 اپریل بارشوں کا نیا سلسلہ شروع ہونے کا امکان ۔ہے(new rain sepal ) جس کے پیش نظر پی ڈی ایم اے نے الرٹ جاری کر دیا 

حکام کے مطابق چترال، دیر، سوات، مالاکنڈ اور ایبٹ آباد میں بارش اور ژالہ باری متوقع ہے جبکہ پشاور، مردان، نوشہرہ، کوہاٹ، بنوں اور ڈیرہ اسماعیل خان میں بارش کے ساتھ تیز ہواؤں اور آندھی کا امکان ہے۔

بالائی اضلاع میں لینڈ سلائیڈنگ اور ندی نالوں میں طغیانی کا خدشہ ہے، جبکہ چترال، دیر، سوات، شانگلہ اور کوہستان میں فلیش فلڈنگ کا خطرہ بھی موجود ہے۔ مردان اور نوشہرہ میں اربن فلڈنگ کا خدشہ ظاہر کیا گیا ہے۔

تیز ہواؤں اور بارشوں کے باعث کمزور عمارتوں، بجلی کے کھمبوں اور سولر پینلز کو نقصان پہنچ سکتا ہے، جبکہ کھڑی فصلوں کے بھی متاثر ہونے کا خدشہ ہے۔

حکام نے متعلقہ اداروں کو ہدایت کی ہے کہ اہم شاہراہوں پر ٹریفک کی روانی برقرار رکھنے کے لیے متبادل راستوں کا بندوبست کیا جائے اور شہریوں کی حفاظت کو یقینی بنایا جائے۔

مزید پڑھیں:جنگ جاری رہی تو نئے ہتھیار سامنے لائیں گے، پاسداران انقلاب

واضح رہے کہ اسلام آباد اور پنجاب میں 16 سے 18 اپریل کے دوران موسلا دھار بارش کا امکان ہے اس کے علاوہ گلگت بلتستان اور آزاد کشمیر میں 16 سے 19 اپریل کے دوران ہلکی بارش، تیز ہواؤں اور بلند پہاڑوں پر برفباری کا امکان ہے۔