کوئٹہ میں انسداد پولیو کی قومی مہم کے دوران افسوسناک واقعہ پیش آیا، جہاں طبی ٹیم کی حفاظت پر مامور پولیس اہلکار فائرنگ (firing)کے ایک حملے میں شہید ہو گیا۔

حکام کے مطابق نامعلوم حملہ آور نے اچانک فائرنگ کی اور واردات کے فوراً بعد موقع سے فرار ہونے میں کامیاب ہو گیا۔واقعے کے بعد پولیس اور سیکیورٹی ادارے فوری طور پر حرکت میں آ گئے اور جائے وقوعہ سے شواہد اکٹھے کر لیے گئے ہیں۔

ملزمان کی گرفتاری کے لیے علاقے میں سرچ آپریشن جاری ہے۔ شہید اہلکار کی میت کو ضروری قانونی کارروائی کے لیے قریبی اسپتال منتقل کر دیا گیا ہے۔

پولیس حکام کا کہنا ہے کہ پولیو مہم کے دوران سیکیورٹی کو مزید سخت کیا جا رہا ہے تاکہ طبی ٹیموں کو محفوظ ماحول فراہم کیا جا سکے اور ایسے واقعات کی روک تھام ممکن بنائی جا سکے۔