بنوں(Bannu) میں رات گئے دہشت گردوں نے پولیس چوکی فتح خیل پر بارود سے بھری گاڑی ٹکرا دی، جس کے نیتجے میں 12 اہلکار شہید ہوگئے۔

پولیس کے مطابق تین اہلکاروں کو ملبے سے زندہ نکال لیا گیا۔

ڈی آئی جی بنوں ریجن سجاد خان نے رات گئے ڈی ایچ کیو اسپتال کا دورہ کرتے ہوئے زخمی اہلکاروں کی عیادت کی۔

اسپتال میں میڈیا سے گفتگو کرتے ہوئے ڈی آئی جی بنوں ریجن نے کہا کہ بنوں پولیس کے حوصلے بلند ہیں، دہشت گرد اپنے ناپاک عزائم میں کبھی کامیاب نہیں ہوں گے۔

مزیدپڑھیں:پاکستان ہندوستان کا خواب کبھی پورا نہیں ہونے دے گا ،فیلڈ مارشل سید عاصم منیر

ڈی آئی جی بنوں کا کہنا تھا کہ یہ دہشت گردوں کی آخری بزدلانہ کارروائی ثابت ہوگی، بنوں پولیس دہشت گردوں کو چن چن کر انجام تک پہنچائے گی اور علاقے سے ان کا مکمل خاتمہ یقینی بنایا جائے گا۔

پولیس کے مطابق سرچ اینڈ ریسکیو آپریشن تاحال جاری ہے۔