پاکستان ٹیلی وژن(PTV) کے نامور اور لیجنڈ اداکار شفیع محمد شاہ کی صاحبزادی ارسلنہ محمد شاہ انتقال کر گئیں۔
خاندانی ذرائع کے مطابق ارسلنہ محمد شاہ کے انتقال کی اطلاع ان کی بہن نے سوشل میڈیا پر ایک جذباتی پیغام کے ذریعے دی، جس میں بتایا گیا کہ وہ 7 فروری 2026 کو اچانک دل کا دورہ پڑنے کے باعث اس دنیا سے رخصت ہو گئیں۔
ارسلنہ محمد شاہ میڈیا انڈسٹری سے وابستہ تھیں اور مختلف ٹی وی چینلز میں اسسٹنٹ ڈائریکٹر اور ڈائریکٹر کے طور پر اپنی خدمات انجام دے چکی تھیں۔ ان کی پیشہ ورانہ زندگی میں ان کی محنت اور لگن کو نمایاں مقام حاصل رہا۔
تاہم ان کی اصل پہچان ان کی نرم دل، انسان دوست اور بے لوث شخصیت تھی۔ اہل خانہ کے مطابق وہ سیٹ پر کام کرنے والے ہر فرد کے ساتھ یکساں احترام اور محبت کا برتاؤ کرتی تھیں اور ضرورت مند افراد کی خاموشی سے مدد بھی کیا کرتی تھیں۔
مزیدپڑھیں:عائشہ بلوچ نے ایشین گیمز 2026 میں گولڈ میڈل جیت لیا
خاندانی بیان میں کہا گیا ہے کہ ارسلنہ محمد شاہ نے اپنی زندگی میں بے شمار لوگوں کے دل جیتے اور ہمیشہ دوسروں کی بھلائی کو ترجیح دی۔ ان کے انتقال سے خاندان ایک شفیق بہن اور محبت کرنے والی شخصیت سے محروم ہو گیا ہے۔
View this post on Instagram
اہلِ خانہ اور مداحوں کی جانب سے ان کے لیے مغفرت اور جنت الفردوس میں اعلیٰ مقام کی دعائیں کی جا رہی ہیں۔
