امریکی صدر  (Donald Trump) نے واضح کیا ہے کہ وہ مشرقِ وسطیٰ میں کسی نئی جنگ کے خواہاں نہیں اور ایران کے خلاف ممکنہ فوجی کارروائی میں امریکا کی براہِ راست شمولیت کی حمایت نہیں کریں گے۔

اسرائیلی میڈیا سے گفتگو کرتے ہوئے انہوں نے کہا کہ انہوں نے اسرائیلی وزیراعظم بنیامین نیتن یاہو کو صاف الفاظ میں پیغام دیا ہے کہ ایران کے خلاف کسی بھی جنگ کی صورت میں اسرائیل کو تنہا ہی صورتحال کا سامنا کرنا پڑ سکتا ہے۔

ٹرمپ کے مطابق اسرائیل کی جانب سے ایران پر مجوزہ حملوں سے متعلق انہیں بروقت آگاہ نہیں کیا گیا، تاہم انہوں نے کشیدگی میں کمی کے لیے کوششیں کیں اور حملوں کی شدت کم کرنے میں کردار ادا کیا۔

مزید پڑھیں؛امریکی صدر ٹرمپ کے بیانات: دھمکی، انتباہ اور عالمی کشمکش

امریکی صدر نے یہ بھی کہا کہ خطے کے پانچ ممالک نے ان سے رابطہ کر کے اسرائیل پر دباؤ ڈالنے کی درخواست کی تھی تاکہ صورتحال مزید بگڑنے سے روکی جا سکے۔

ان کے مطابق ایران کے ساتھ معاہدہ طے پانا خطے کے مفاد میں ہوگا اور اس سے طویل مدتی استحکام کی راہ ہموار ہو سکتی ہے۔