ایران کی ایک عدالت(Court) نے گلوکارہ پرستو احمدی اور کاروان سرائے کنسرٹ کے مزید 8 ارکان کو 74 کوڑوں کی سزا سنائی ہے۔
بی بی سی کے مطابق گلوکارہ پر دو سال کے لیے ملک چھوڑنے اور فن سے متعلق سرگرمیوں میں حصہ لینے پر پابندی عائد کی گئی ہے۔
یہ فیصلہ ایران کے صوبہ قم کی ایک عدالت نے سنایا۔ اسلامی قانون کی دفعات کا حوالہ دیتے ہوئے عدالت نے ہر رکن کو یکساں سزا سنائی۔
عدالت نے یہ بھی کہا کہ فیصلہ قومی میڈیا میں شائع کیا جائے گا۔ سزا پانے والوں پر الزام ہے کہ انھوں نے انٹرنیٹ پر فحش اور ناشائستہ مواد پوسٹ کر کے عوام کی حیا کو مجروح کیا۔
