پاکستان اور عالمی مارکیٹ میں سونے کی قیمت(Gold Rates) میں حیران کن اضافہ دیکھنے میں آ رہا ہے۔

پاکستان میں فی تولہ سونے کی قیمت میں 12 ہزار 200  روپے کا اضافہ ہوگیا۔

ملک میں فی تولہ سونا 12 ہزار 200  روپے اضافے کے بعد4 لاکھ 40 ہزار 936 روپے کا ہوگیا جب کہ 10 گرام سونا  10 ہزار 459 روپے اضافے کے بعد 3 لاکھ 78 ہزار 031 روپے کا ہو گیاہے۔

جبکہ عالمی بازار میں سونا 122 ڈالر اضافے کے بعد 4185 ڈالر فی اونس کا ہوگیاہے۔

مزیدپڑھیں:فیفا ورلڈکپ: رونالڈو کی پنالٹی سے قبل ’بسم اللہ‘ پڑھنے کی ویڈیو وائرل

رپورٹ کے مطابق امریکہ میں روزگار سے متعلق کمزور اعداد و شمار سامنے آنے کے بعد فیڈرل ریزرو کی جانب سے شرح سود میں اضافے کے امکانات کم ہو گئے ہیں، جس کے باعث سرمایہ کاروں نے محفوظ سرمایہ کاری کے طور پر سونے کا رخ کر لیا ہے۔

ماہرین کا کہنا ہے کہ سونے کی قیمتوں میں یہ اضافہ گزشتہ دو روز سے جاری ہے اور مارکیٹ میں اس کا رجحان مزید اوپر جانے کی طرف ہے۔