برطانوی پولیس کے مطابق 26 جولائی کو شمالی یارکشائر کے علاقے وریلٹن میں ایوا گلیز اپنی گاڑی چلا رہی تھیں کہ مخالف سمت سے آنے والی ایک کار ان کی گاڑی سے ٹکرا گئی۔ حادثہ اتنا شدید تھا کہ ایوا گلیز موقع پر ہی دم توڑ گئیں۔

ایوا گزشتہ پانچ برس سے فلم اور ٹی وی انڈسٹری میں میک اپ آرٹسٹ کے طور پر کام کررہی تھی، جس میں کئی نامور ڈرامے اور فلمیں شامل ہیں۔

خاندان کی جانب سے جاری بیان میں کہا گیا کہ ایوا ہم ہمیشہ تمہیں یاد رکھیں گے۔ تمہاری ذہانت، دلکشی، خوبصورتی، پراعتماد شخصیت، بے شمار صلاحیتیں اور فلم و ٹی وی کے شعبے میں تمہاری شاندار پیشہ ورانہ خدمات ہمیشہ ہمارے دلوں میں زندہ رہیں گی۔

مزید پڑھیں:افغان طالبان کیخلاف امریکہ سے یونائیٹڈ فرنٹ کی حمایت کی اپیل، جنرل سمیع سادات

اہل خانہ کے مطابق ایوا گلیز کی آخری رسومات کے حوالے سے تفصیلات بعد میں جاری کی جائیں گی۔