اسلام آباد: (مانیٹرنگ ڈیسک) ٹوئٹر میں ایک نئے ‘اسٹیٹس’ فیچر کی آزمائش شروع کی گئی ہے۔

یہ فیچر امریکا اور آسٹریلیا میں محدود صارفین کو دستیاب ہے اور وہ ٹوئٹس سے قبل مختلف لیبلز کو استعمال کرسکتے ہیں۔

کمپنی نے تصدیق کی ہے کہ صارفین کی محدود تعداد میں اس فیچر کی آزمائش کی جارہی ہے جبکہ اس سوشل میڈیا ایپ پر بھی صارفین نے اس کے اسکرین شاٹ شیئر کیے۔

ٹوئٹر کے ایک ترجمان نے بتایا کہ محدود وقت کے لیے ہم ایک نئے فیچر کی آزمائش کررہے ہیں جس سے صارفین اپنے ٹوئٹس پر اسٹیٹس ٹاپک ایڈ کرسکیں گے۔

I don't know how twitter managed to release a more embarrassing and unusable feature than cotweets in the same month but here it is. these are all the statuses you can use. no custom statuses allowed pic.twitter.com/2BPwku1qi1

— cohost.org/coolranchzaku (@coolranchzaku) July 27, 2022

ترجمان نے کہا کہ اس فیچر سے صارفین کے ٹوئٹس زیادہ بہتر انداز سے ان کے خیالات کو دیگر تک پہنچا سکیں گے۔

اس فیچر کے اسکرین شاٹس سے عندیہ ملتا ہے کہ کمپنی کی جانب سے متعدد اسٹیٹس ڈیزائن کیے گئے ہیں جو ایموجیز کی جگہ لے سکیں گے۔

اس فیچر پر کمپنی کی جانب سے کافی عرصے سے کام کیا جارہا ہے مگر اب اسے محدود پیمانے پر متعارف کرایا گیا ہے۔

ویسے ٹوئٹر ماضی میں خود کو موبائل اسٹیٹس اپ ڈیٹ سروس قرار دیتی رہی ہے جس کا مقصد لوگوں کو کسی بھی وقت اپنے خیالات کے اظہار کا موقع فراہم کرنا تھا۔

ابھی کمپنی کی جانب سے یہ نہیں بتایا گیا کہ اس نئے فیچر کو کب تک تمام صارفین کے لیے متعارف کرایا جاسکتا ہے۔