ایرانی وزیر خارجہ عباس عراقچی نےکہا ہےکہ ایران اور عمان آبنائے ہرمز کے ذریعے بحری جہازوں کی آمدورفت کے لیے ایک نئے راستےکے معاہدے کے بہت قریب پہنچ گئے ہیں۔

ایرانی وزیر خارجہ کے مطابق تہران اور مسقط اس وقت آبنائے ہرمز میں عارضی بحری راستے کے قیام پر بات چیت کر رہے ہیں۔

عباس عراقچی نے واضح کیا کہ آبنائے ہرمز کو مکمل طور پر دوبارہ کھولنے کا معاملہ صرف نئے بحری راستے کے قیام تک محدود نہیں، بلکہ اس کے لیے دیگر شرائط بھی پوری کرنا ہوں گی۔ ایرانی وزیر خارجہ کا کہنا تھا کہ ان شرائط میں امریکی خلاف ورزیوں پر ایران کو معاوضے کی ادائیگی بھی شامل ہے۔

مزید پڑھیں:پاکستان، سعودی عرب اور ترکیے کے دفاعی معاہدے پر گہری نظر ہے: بھارت

انہوں نے بتایا کہ ایران اور عمان کے درمیان اس وقت عارضی بحری راستے کے حوالے سے مذاکرات جاری ہیں اور دونوں ممالک کسی ممکنہ انتظام کے انتہائی قریب پہنچ چکے ہیں۔