لاہور(نیوز ڈیسک )پاکستانی میوزک انڈسٹری کے معروف گلوکار عاصم اظہر نے ہجوم میں بھگدڑ مچنے کی وجہ سے کانسرٹ منسوخ کردیا۔
عاصم اظہر کا لاہور کے کنیئرڈ کالج فار ویمن میں کانسرٹ ہونا تھا لیکن انتظامی مسائل اور ہجوم میں بھگدڑ مچنے کی وجہ سے منسوخ کر دیا گیا۔
گلوکار نے اپنی انسٹا اسٹوری پر اس حوالے سے اپنے مداحوں سے معذرت بھی کی۔
اُنہوں نے اپنی انسٹا اسٹوری میں لکھا کہ’وہ ان تمام لوگوں سے معذرت خواہ ہیں جو کہ مایوس ہوئے‘۔
اُنہوں نے مزید لکھا کہ’ وہ سارا وقت اسٹیج کے پیچھے موجود تھے اور پرفارمینس کے لیے بالکل تیار تھے لیکن انتظامی مسائل اور ہجوم کے بے قابو ہونے کی وجہ سے اُنہیں اور ان کی ٹیم کو بتایا گیا کہ وہ پرفارم نہیں کرسکتے‘۔
اُنہوں نے لکھا کہ’ ہجوم میں بھگدڑ مچنے کی وجہ سے کئی لوگ زخمی بھی ہوئے، بھگدڑ مچنے کی وجہ یہ تھی کہ کانسرٹ کے لیے منتخب کردہ جگہ پر اتنے بڑے ہجوم کو اکٹھا کرنے کی گنجائش نہیں تھی‘۔
عاصم اظہر نے ہجوم میں بھگدڑ مچنے پر کانسرٹ منسوخ کردیا
عاصم اظہر نے مزید لکھا کہ’پرفارم نہ کرنے پر اُنہیں خود بھی اتنی ہی مایوسی ہے جتنی لوگوں کو ہوئی‘۔
اُنہوں نے اس واقعہ کی مزید وضاحت دیتے ہوئے لکھا کہ’اُن کی ٹیم کو ٹکٹس کی صورتحال کا علم نہیں تھا کیونکہ یہ منتظمین کی ذمہ داری ہوتی ہے اور اُنہیں صرف بطور گلوکار پرفارمنس کے لیے بلایا جاتا ہے‘۔
اُنہوں نے مزید لکھا کہ’ لیکن پھر بھی وہ اور ان کی ٹیم منتظمین کی جانب سے بھی معذرت خواہ ہے‘۔
عاصم اظہر نے ہجوم میں بھگدڑ مچنے پر کانسرٹ منسوخ کردیا
عاصم اظہر نے اپنی انسٹا اسٹوری پر اپنا ای میل ایڈریس شیئر کرتے ہوئے لکھا کہ اس واقعہ میں جو لوگ زخمی ہوئے ہیں وہ ان سے رابطہ کرسکتے ہیں، اُنہیں خوشی ہوگی اگر وہ کسی کی مدد کرسکیں تو‘۔
عاصم اظہر نے ہجوم میں بھگدڑ مچنے پر کانسرٹ منسوخ کردیا
گلوکار نے ہجوم میں بھگدڑ کے بعد زخمی ہونے والے مداحوں کے لیے دعا بھی کی۔
