وزیر خزانہ محمد اورنگزیب (Muhammad Aurangzeb)کا کہنا ہے کہ 2022 کے سیلاب کے بعد بعض عالمی مالی وسائل منصوبوں کی کمی سے استعمال نہ ہو سکے۔

نیویارک میں وزیر خزانہ نے کلائمیٹ امپلیمنٹیشن برج سے متعلق تقریب سے خطاب کے دوران موسمیاتی وعدوں کو عوام کے لیے عملی نتائج میں بدلنے پر زور دیا۔

محمد اورنگزیب نے کہا کہ موسمیاتی اہداف کے مؤثر نفاذ کے لیے مضبوط پالیسی فریم ورک ضروری ہے، موسمیاتی منصوبوں کے لیے مالی وسائل تک رسائی اور ملکی استعداد بھی ضروری ہے۔

ان کا کہنا تھا کہ پاکستان ملکی وسائل، عالمی اداروں اور موسمیاتی فنڈز سے مالی وسائل متحرک کر رہا ہے، ادارہ جاتی تقسیم موسمیاتی منصوبوں پر مؤثر عملدرآمد میں رکاوٹ ہے، سرمایہ کاری کے قابل منصوبوں کی کمی موسمیاتی مالی معاونت میں رکاوٹ ہے۔

مزیدپڑھیں:یوٹیوب میں صارفین کیلئے متعدد نئے فیچرز متعارف

محمد اورنگزیب کا کہنا تھا کہ 2022کےسیلاب کےبعد بعض عالمی مالی وسائل منصوبوں کی کمی سے استعمال نہ ہو سکے، موسمیاتی وعدوں کو عوام اور کمیونٹیز کے لیے ٹھوس نتائج میں تبدیل کرنا ہوگا۔

وزیر خزانہ کے مطابق موسمیاتی اہداف کے حصول کے لیے ملکی اور بین الاقوامی ذرائع سے وسائل متحرک کرنا ہوں گے۔