ہونڈا اٹلس کارز پاکستان نے ملک میں مقبول سات نشستوں والی گاڑی ہونڈا بی آر وی کی فروخت خاموشی سے بند کردی۔

رپورٹ کے مطابق بی آر وی کو ہونڈا پاکستان کی آفیشل ویب سائٹ پر گاڑیوں کی فہرست سے ہٹا دیا گیا۔

پاک وہیلز نے دعویٰ کیا کہ جب تصدیق کیلئے ہونڈا کمپنی سے رابطہ کیا گیا تو کمپنی نے تصدیق کرتے ہوئے کہا کہ Honda BR-V اب صارفین کیلئے دستیاب نہیں ہے ۔

تاہم ہونڈا کی جانب سے بی آر وی کے متبادل کے حوالے سے تاحال کوئی اعلان نہیں کیا گیا اور نہ ہی گاڑی کی فروخت بند کرنے کی وجہ بتائی گئی ہے۔

یہ واضح نہیں کہ فیصلہ کم فروخت، کمپنی کی نئی مصنوعات سے متعلق حکمت عملی یا مستقبل کی کراس اوور گاڑیوں میں تبدیلیوں کے باعث کیا گیا۔

مزید پڑھیں:سابق مس انڈیاو سوشل میڈیا انفلوئنسر ’’نِدھی تیواری‘‘ کی پراسرار موت، تحقیقات جاری

بی آر وی کے بعد یہ سوال بھی اہم ہے کہ کیا ہونڈا پاکستان میں سات نشستوں والی کسی نئی گاڑی کو متعارف کرائے گی یا نہیں۔