یوگنڈا میں تورو سلطنت میں سابق ٹی وی صحافی اور نیوز اینکر پرنس ایڈورڈ روکیدی کیجانانگوما کو نیا بادشاہ منتخب کرلیا گیا ہے۔ انہیں شاہی نام ایڈورڈ روکیدی نیابونگو اول دیا گیا ہے۔

ایڈورڈ کی عمر 56 سال ہے اور وہ طویل عرصے تک یوگنڈا کے سرکاری نشریاتی ادارے میں نیوز اینکر اور ایڈیٹر رہے۔ انہیں شاہی بابیٹو قبیلے کی 21 رکنی کمیٹی نے نئے بادشاہ کے طور پر منتخب کیا۔ وہ سابق بادشاہ اویو نیِمبا کے کزن ہیں۔

سابق بادشاہ اویو نیِمبا 27 اگست 2026 کو 34 سال کی عمر میں کینسر کے باعث انتقال کر گئے تھے۔ وہ 1995 میں صرف 3 سال کی عمر میں بادشاہ بنے تھے۔نئے بادشاہ کی تاج پوشی فورٹ پورٹل میں روایتی رسومات کے ساتھ ہوئی، جن میں روایتی جنگ کی علامتی رسم بھی شامل تھی۔

مزید پڑھیں:حکومت نے پیٹرول اور ڈیزل کی قیمتوں میں مزید کمی کردی، نوٹیفکیشن جاری

اویو نیِمبا کی والدہ ملکہ کیمیگسا اور خاندان کے بعض افراد نے نئے بادشاہ کے انتخاب پر اعتراض کیا ہے۔ ان کا کہنا ہے کہ مرحوم بادشاہ نے ایک کم عمر بیٹا چھوڑا تھا اور وصیت میں اسے جانشین قرار دیا گیا تھا۔

تاہم شاہی بابیٹو قبیلے کا کہنا ہے کہ اس مبینہ وارث کو ان کے سامنے باضابطہ طور پر پیش نہیں کیا گیا، اس لیے روایتی طریقہ کار کے تحت ایڈورڈ کا انتخاب کیا گیا۔