فلم ’منا بھائی ایم بی بی ایس‘ میں کام کرنے والے بھارتی اداکار وشال ٹھاکر(Vishal Thakur) کو لاپتا ہوئے تقریباً 10 سال گزر چکے ہیں اور ان کے اہل خانہ آج بھی ان کی واپسی کے منتظر ہیں۔

بھارتی میڈیا رپورٹس کے مطابق وشال 31 دسمبر 2015 کی رات گھر سے نکلے تھے اور یکم جنوری 2016 کو ان کی آخری لوکیشن ممبئی کے قریب گھوڑبندر روڈ پر ٹریس ہوئی۔ اس کے بعد ان کا فون بند ہو گیا اور آج تک ان کا کوئی سراغ نہیں مل سکا۔

مزید پڑھیں:خیبرپختونخوا میں ایمرجنسی کے نفاذ کی ورکنگ مکمل، حتمی فیصلہ مشاورت سے ہوگا، طارق فضل

لاپتا ہونے سے چند ماہ قبل ان پر ان کی گرل فرینڈ نے ریپ اور تشدد کے الزامات عائد کیے تھے، تاہم بعد میں شکایت واپس لے لی گئی تھی۔ یہ الزامات ثابت شدہ جرم نہیں تھے۔

وشال کی والدہ درگا ٹھاکر کا کہنا ہے کہ انہیں اب بھی یقین ہے کہ ایک دن ان کا بیٹا ضرور واپس آئے گا۔