بانی: عبداللہ بٹ      ایڈیٹرانچیف : عاقل جمال بٹ

بانی: عبداللہ بٹ

ایڈیٹرانچیف : عاقل جمال بٹ

فیکٹ چیک: FIA کے جعلی اکاؤنٹ سے ائیرپورٹ روانگی سے قبل بوگس کلیئرنس کی پیشکش

آن لائن پوسٹس میں یہ دعویٰ کیا جا رہا ہے کہ اسلام آباد انٹرنیشنل ایئرپورٹ(Islamabad International Airport) سے سفر کرنے والے بین الاقوامی مسافروں کو پرواز سے ایک دن قبل آن لائن امیگریشن کلیئرنس سروس فراہم کی جا رہی ہے اور یہ پیشکش کی جا رہی ہے کہ قبل از وقت یہ عمل مکمل کرنے سے ایئرپورٹ پر تاخیر سے بچا جا سکتا ہے۔

Pak-China Friendship Hospital Islamabad - Ministry of Information and Broadcasting

یہ دعویٰ غلط ہے۔

Pak-China Friendship Hospital Islamabad - Ministry of Information and Broadcasting

دعویٰ
ایک انسٹاگرام اکاؤنٹ سے گرافک شیئر کیا گیا جس میں یہ دعویٰ کیا گیا کہ اسلام آباد انٹرنیشنل ایئرپورٹ سے سفر کرنے والے بین الاقوامی مسافروں کے لیے پرواز سے کم از کم ایک دن پہلے ”ایئرپورٹ کلیئرنس“ مکمل کرنا لازمی ہے۔

Pak-China Friendship Hospital Islamabad - Ministry of Information and Broadcasting

پاکستان کی فیڈرل انویسٹی گیشن ایجنسی (FIA) کا نام استعمال کرتے ہوئے، اس گرافک میں یہ دعویٰ کیا گیا کہ روانگی سے قبل کی کلیئرنس سروس مسافروں کو ایئرپورٹ پر تاخیر، زحمت اور ممکنہ امیگریشن مسائل سے بچنے میں مدد دے سکتی ہے۔

Pak-China Friendship Hospital Islamabad - Ministry of Information and Broadcasting

پوسٹ میں ایک واٹس ایپ نمبر بھی دیا گیا ہے، جسے ایف آئی اے کے ڈائریکٹر کا رابطہ نمبر بتایا گیا ہے اور مسافروں سے کہا گیا ہے کہ وہ ایئرپورٹ کلیئرنس اور چوبیس گھنٹے کی رہنمائی کے لیے اس پر رابطہ کریں۔

Pak-China Friendship Hospital Islamabad - Ministry of Information and Broadcasting

حقیقت
ایجنسی حکام کے مطابق پوسٹ میں مشتہر کی گئی سروس کا ایف آئی اے سے کوئی تعلق نہیں ہے اور یہ دھوکہ دہی پر مبنی ہے۔ امیگریشن کلیئرنس روانگی کے وقت ایئرپورٹ پر ہی انجام دی جاتی ہے۔

مزید پڑھیں:ملازمین کو سخت موسم میں سفر سے بچانے کیلئے باس نے انہیں نئی گاڑیاں تحفے میں دیدیں

ایف آئی اے کے ڈائریکٹر جنرل ڈائریکٹرڈاکٹر عثمان انور نے جیو فیکٹ چیک کو تصدیق کی کہ یہ پوسٹ جعلی ہے۔ نام ظاہر نہ کرنے کی شرط پر ایف آئی اے اسلام آباد زون کے ترجمان نے بھی اس کی تصدیق کی۔

ترجمان نے کہا، ’’یہ امپرسنیشن (Impersonation) ہے اور فیک ہے، یہ ہم نے آفیشلی کچھ بھی ریلیز نہیں کیا، یہ نمبر بھی فیک ہے، ڈائریکٹر صاحب کا یہ نمبر ہے ہی نہیں۔‘‘

ترجمان کے مطابق ایف آئی اے امیگریشن حکام کے پاس ایسا کوئی نظام موجود نہیں جو مسافروں کو پرواز سے ایک دن پہلے کلیئرنس حاصل کرنے کی اجازت دے۔ مسافروں کی امیگریشن کلیئرنس روانگی کے وقت ایئرپورٹ پر ہی کی جاتی ہے۔

جیو فیکٹ چیک نے پوسٹ میں دیے گئے نمبر پر بھی رابطہ کیا۔ وہ نمبر اب بھی فعال ہے اور اس کی واٹس ایپ پروفائل تصویر پر ایف آئی اے کا لوگو لگا ہوا ہے، تاہم جیو فیکٹ چیک کی کالز یا میسجز کا کوئی جواب موصول نہیں ہوا۔

فیصلہ: ایف آئی اے نے تصدیق کی ہے کہ وہ بین الاقوامی مسافروں کے لیے روانگی سے قبل کسی قسم کی ”ایئرپورٹ کلیئرنس“ سروس فراہم نہیں کرتی۔ یہ پوسٹ ایجنسی کی جعلی شناخت استعمال کر کے بنائی گئی ہے، جبکہ دیا گیا فون نمبر کسی ایف آئی اے ڈائریکٹر کا نہیں ہے۔