فیصل آباد(نیوزڈیسک) وزیر داخلہ رانا ثنااللہ نے پاکستان تحریک انصاف کے رہنما فواد چوہدری کے دعوے ہوا میں اڑادیے۔رانا ثنا اللہ آبائی شہر فیصل آباد پہنچے تو انہیں پنجاب حکومت کی طرف سے پروٹوکول نہ ملا۔وہ وفاقی حکومت کی سکیورٹی رینجرز اور مقامی پولیس کی سکیورٹی میں پہنچے۔میڈيا سے گفتگو میں وزیر داخلہ کا کہنا تھاکہ فواد چوہدری ایک بار ان کے حق میں بات کرچکے ہیں جس پر تحریک انصاف سے انہیں ڈانٹ پڑی تھی، اب وہ ان کے خلاف بات کرکے اسے بیلنس کرنے کی کوشش کرتے ہیں۔