اسلام آباد(نیوزڈیسک)وزیراعظم شہبازشریف نے ڈاکٹر روتھ فاؤ ( مادرٹریسا)کی پانچویں برسی پر انہیں خراج عقیدت پیش کرتے ہوئے اپنے ٹویٹ میں کہا ہے کہ دوسروں کی خدمت میں گزاری ہوئی زندگی اچھی زندگی ہے۔ ڈاکٹر روتھ فاؤ نے پاکستان کو اپنا گھر بنایا اور دل و جان سے عوام کی خدمت کی۔ اس جیسے رول ماڈل انسانیت پر ہمارے ایمان کو تقویت دیتے ہیں۔
واضح رہے کہ ڈاکٹر رتھ کیتھرینا مارتھا فاؤ ایک جرمن ڈاکٹر، سرجن اور سوسائیٹی آؤ ڈاٹرز آف دی ہارٹ آؤ میری نامی تنظیم کی رکن تھیں۔ انہوں نے 1962ء سے اپنی زندگی پاکستان میں کوڑھیوں کے علاج کے لیے وقف کی ہوئی تھی۔ 1996ء میں عالمی ادارۂ صحت نے پاکستان میں کوڑھ کے مرض کو قابو میں قرار دے دیا۔ پاکستان اس ضمن میں ایشیا کے اولین ملکوں میں سے تھا۔ ڈاکٹر رتھ فاؤ کا انتقال 10 اگست 2017ء کو کراچی کے
ایک نجی ہسپتال میں ہواتھا۔
A life spent in the service of others is a life well lived. Dr Ruth Pfau made Pakistan her home & served the people with heart and soul. Role models like her reinforce our faith in humanity. pic.twitter.com/n1ByLw9Zsc
— Shehbaz Sharif (@CMShehbaz) August 10, 2022
