معروف پاکستانی کوہ پیما  شہروز کاشف نے ایک اور چوٹی سر کرکے عالمی ریکارڈ قائم کردیا۔

شہروز کاشف نے آج بروز جمعہ کو علی الصبح  8068 میٹر بلند دنیا کی گیارہویں بلند ترین چوٹی گاشربرم ون سر کرلی۔

شہروز کاشف اب آٹھ ہزار میٹر سے زیادہ بلندی والی دس چوٹیاں سر کرنے والے دنیا کے کم عمر ترین کوہ پیما بن گئے ہیں۔

سیکرٹری الپائن کلب کرار حیدری  نے شہروز کاشف کو گاشربرم ون چوٹی سر کرنے پر دلی مبارکباد پیش کی۔

شہروز کاشف کے ہمراہ مزید پانچ پاکستانیوں نے بھی گاشر برم ون چوٹی سر کی جن میں نائلہ کیانی، سرباز خان، امتیاز سدپارہ، ساجد علی سد پارہ اور سہیل سخی شامل ہیں۔

سرباز خان اب پاکستان اور نیپال کی آٹھ ہزار میٹر سے بلند تمام بارہ چوٹیاں سر کر نے والے کوہ پیما بن گئے ہیں۔