عام خیال یہ ہے کہ ڈینگی کے مریض پپیتے کے پتوں کا جوس پینے سے جلد صحتیاب ہوجاتے ہیں لیکن ماہرین اس سے متفق نہیں۔
طبی ماہرین کے مطابق ڈینگی بخار کے دوران پپیتے کے پتوں کے جوس سے کوئی فائدہ نہیں ہوتا لیکن اس کا زیادہ استعمال نقصان ضرور پہنچا سکتا ہے، اس غلط فہمی کو دور کرنے کی ضرورت ہے۔
ماہر امراض خون ڈاکٹر ثاقب انصاری نے بتایا کہ اس وقت ڈینگی کے کیسز میں بےتحاشہ اضافہ دیکھنے میں آرہا ہے، لہٰذا بہت زیادہ احتیاط کی ضرورت ہے ۔ان کا کہنا تھا کہ گھروں سے نکلتے ہوئے خاص احتیاط کی ضرورت ہے، پوری آستین کی قمیض پہنیں، گھروں اور گھروں کے باہر پانی جمع نہ ہونے دیں۔