راولپنڈی(نیوزڈیسک)اڈیالہ جیل کے سپرنٹنڈنٹ  نے پاکستان تحریک انصاف (پی ٹی آئی) کے رہنما شہباز گل کی طبعیت خرابی کی خبروں کی تردید کردی ۔
اپنے ایک بیان میں اڈیالہ جیل کے سپرنٹنڈنٹ اعجاز اصغر نے کہا ہے کہ اڈیالہ جیل میں شہبازگل کی طبیعت کی خرابی کی اطلاعات غلط ہیں ، شہبازگل ٹھیک ہیں اور انہیں جیل سے کہیں منتقل نہیں کیا جائے گا ۔
خیال رہےکہ گزشتہ روز اسلام آباد کی عدالت نے پی ٹی آئی رہنما شہباز گل کی ضمانت کی درخواست مسترد کردی تھی۔یاد رہےکہ پی ٹی آئی رہنما شہبازگل کو 9 اگست کو گرفتار کیا گیا تھا، ان پر بغاوت پر اکسانےکا الزام ہے، ان کے خلاف تھانہ کوہسار پولیس نے سٹی مجسٹریٹ کی مدعیت میں مقدمہ درج کر رکھا ہے۔